Gintunto ka, ti kay sin-o sala kung sa umpisa pa lang bal-an mo na nga matabo na?
Pano mo mahambal nga indi ka na kung ara ka man gyapon, kuno-abi gayuhom, gakadlaw maski nasakitan ka na? Mapati ka pa sa lawas mo sa sunod nga hambalon mo na?
Mangakig ka pa bala sa tawo nga wala labot sa imo kung wala man siya kabalo kung ano nabatyagan mo?
Pano mo mahambal nga may kahulugan tulok ya sa imo kung wala ya man nahambal sa imo kung ano namin ya?
Pano mo mahambal sa lawas mo:
Untati na na!
Indi ka na mag-asa pa!
Tama na nga paghinangag!
Hangag!
Pano mo mahambal sa katrabaho mo nga kinanglan ya gamiton utok ya, kapin pa kung ikaw tubang ya?
Ano himuon mo kung natuyo ka na, pro taga-higda mo galibot panulok mo sa kahubog?
Sunday, November 4, 2007
Thursday, November 1, 2007
Kung Wala Ka Sa Iloilo
Sa sulod sang anum ka tuig nga wala ko gaistar sa Iloilo, masiling ko gid ‘ya nga wala sang iban nga lugar pareho sang gindakuan ko.
Halin sang gamay, daw indi ko gid nabatyagan nga tam-an naton ka ginpabugal ang banwa ta. Kay ti siempre daw amu lang na nga lugar ang kilala ta gid. Sang high school ti natun-an ta ang kanta nga “Iloilo Ang Banwa Ko.” Ti daw wala lang, daw pareho lang sang kanta nga “Ili-ili, Tulog Anay.” Daw sa wala lang sa aton ang gina-namin sang mga kanta nga ina, kay daw tanan man nga kilala ta, kabalo man na magkanta.
Pero sang naghalin ko, lain gid ya pamatyag ko sa taga may magpamangkot kung diin kag ano nga klase sang lugar ang Iloilo. Sa mga hangag nga wala masyado gapamati sa maestra nila sang high school geography nga klase, daw gataas gid tingog ko sa pagsabat: Hah? Hindi mo alam kung saan ang Iloilo? Taga-saang planeta ka ba?!
Sa mga indi naman taga-Pilipinas, siempre excited ko magstorya kung diin ayon sa mapa ang Iloilo.
Pero, sa tanan nga tini-on, pag magstorya na ko gani sang parti sa banwa ta, nalipay gid ko kag ginapa-hisa ko pa ang mga wala pa kakadto. Kung ilista ko ang mga butang nga dapat nila kahisaan sa aton banwa, ari ay:
1. Damu seafoods. Barato pa! Talaba, scallops, lukos, bangros, tuloy, panit, aluy, kasag, alimango, pasayan, bukaw… damu pa!
2. Sweet mga tawo. Malambing kung sa Tagalog. Ti i-iksplikar ko pa ni? Ari na lang sampol hu: “Akig ko bala simo…” Pero kung indi ka Ilonggo, may intro ka pa ayhan nga amu na? Wala gid ay…
3. Damu bangko. Kada kanto tagpila ka bangko, buot silingon damu kwarta mga Ilonggo. Medyo hadlok lang mag-negsyo ang iban.
4. Damu restaurants. Pala-kaon gid ta ya! Pero tanan man nga Pinoy palakaon ah. Ang kinalain lang sa aton, damu ta ya … (lihog balik sa number 1).
5. Ang mga lalaki sa panimalay, kabalo magluto. Indi tanan ha, pero laban-laban ah. Maski prito lang ukon pinamalhan, wala ya nahuya ang mga lalaki sa aton kung sila ang galuto sa balay. Kis-a gani gapanglaba pa! Sa iban ya nga banwa (isa na da ang Pampanga, kag siguro ang iban pa gid nga mga taga-Luzon), ander-de-saya ka na na!
6. Damu kita iskwelahan. Damu gid ya Ilonggo nga gusto indi lang mag-asenso kundi gusto man madamo ang matun-an. Ti sa utok pa lang indi man ta magpa-perdi sa iban, di bala?
Halin sang gamay, daw indi ko gid nabatyagan nga tam-an naton ka ginpabugal ang banwa ta. Kay ti siempre daw amu lang na nga lugar ang kilala ta gid. Sang high school ti natun-an ta ang kanta nga “Iloilo Ang Banwa Ko.” Ti daw wala lang, daw pareho lang sang kanta nga “Ili-ili, Tulog Anay.” Daw sa wala lang sa aton ang gina-namin sang mga kanta nga ina, kay daw tanan man nga kilala ta, kabalo man na magkanta.
Pero sang naghalin ko, lain gid ya pamatyag ko sa taga may magpamangkot kung diin kag ano nga klase sang lugar ang Iloilo. Sa mga hangag nga wala masyado gapamati sa maestra nila sang high school geography nga klase, daw gataas gid tingog ko sa pagsabat: Hah? Hindi mo alam kung saan ang Iloilo? Taga-saang planeta ka ba?!
Sa mga indi naman taga-Pilipinas, siempre excited ko magstorya kung diin ayon sa mapa ang Iloilo.
Pero, sa tanan nga tini-on, pag magstorya na ko gani sang parti sa banwa ta, nalipay gid ko kag ginapa-hisa ko pa ang mga wala pa kakadto. Kung ilista ko ang mga butang nga dapat nila kahisaan sa aton banwa, ari ay:
1. Damu seafoods. Barato pa! Talaba, scallops, lukos, bangros, tuloy, panit, aluy, kasag, alimango, pasayan, bukaw… damu pa!
2. Sweet mga tawo. Malambing kung sa Tagalog. Ti i-iksplikar ko pa ni? Ari na lang sampol hu: “Akig ko bala simo…” Pero kung indi ka Ilonggo, may intro ka pa ayhan nga amu na? Wala gid ay…
3. Damu bangko. Kada kanto tagpila ka bangko, buot silingon damu kwarta mga Ilonggo. Medyo hadlok lang mag-negsyo ang iban.
4. Damu restaurants. Pala-kaon gid ta ya! Pero tanan man nga Pinoy palakaon ah. Ang kinalain lang sa aton, damu ta ya … (lihog balik sa number 1).
5. Ang mga lalaki sa panimalay, kabalo magluto. Indi tanan ha, pero laban-laban ah. Maski prito lang ukon pinamalhan, wala ya nahuya ang mga lalaki sa aton kung sila ang galuto sa balay. Kis-a gani gapanglaba pa! Sa iban ya nga banwa (isa na da ang Pampanga, kag siguro ang iban pa gid nga mga taga-Luzon), ander-de-saya ka na na!
6. Damu kita iskwelahan. Damu gid ya Ilonggo nga gusto indi lang mag-asenso kundi gusto man madamo ang matun-an. Ti sa utok pa lang indi man ta magpa-perdi sa iban, di bala?
7. Namit mga pagkaon. Tambo, laswa, kadyos-baboy-langka ... nagutom ko ah!
Daw damu pa gid di kulang sa lista ko mo. Ti kung may idugang kamo, dugang nyo lang da sa dalum ah.
Ang gusto ko lang ipabutyag sa tanan ari ho… Kung wala ko naghalin sa Iloilo, wala ko gid masyado napinsar kung ano ko ka-swerte nga Ilonggo ko. Kung mangkuton nyo ang mga kakilala ko nga indi Ilonggo, tanan sila mahambal kun ano ko kapabugal ang banwa ta. Indi lang ko gawa sigurado kung ang iban di nga Ilonggo amu man ginabatyag pareho ko.
San-o naman ko mapuli man?
Ang gusto ko lang ipabutyag sa tanan ari ho… Kung wala ko naghalin sa Iloilo, wala ko gid masyado napinsar kung ano ko ka-swerte nga Ilonggo ko. Kung mangkuton nyo ang mga kakilala ko nga indi Ilonggo, tanan sila mahambal kun ano ko kapabugal ang banwa ta. Indi lang ko gawa sigurado kung ang iban di nga Ilonggo amu man ginabatyag pareho ko.
San-o naman ko mapuli man?
Subscribe to:
Posts (Atom)